Appið notar skynjara í símanum þínum sem eru í öllum snjallsímum í dag. Með þessum skynjurum býr appið til ökuskorið þitt, með bættu ökuskori lækkar þú iðgjöldin þín í hverjum mánuði (meðalskorið er 76 svo allt yfir það lækkar iðgjaldið)
Appið notar eftirfarandi skynjara:
Hraðanemi (e. accelerometer) er notaður til að meta hversu harkalega bíl er ekið af stað, hemlað og/eða ört er skipt um akrein. Við sjáum ekki nákvæman hraða ökutækis en sjáum aksturshegðun þess 🚗💨
Snúðvísir (e. gyroscope) er notaður til að nema hvort að haldið sé á síma við akstur t.d. til að svara tölvupóstum eða smáskilaboðum.
Nándarnemi (e. proximity meter) sem getur meðal annars numið hvort að síma sé haldið við andlitið og sér þá hvort einstaklingur er að tala í símann undir stýri
Þyngdaraflsnemi (e. magnetometer) sem m.a. er hægt að nýta til meta hröðun bifreiðar inn og út úr beygjum.
Sími aflæstur (e. screen unlock) er notað til að hjálpa til við að meta hvort viðkomandi sé í símanum undir stýri.
GPS nemi sem metur hvert var ekið, hve lengi aksturinn varði og hve hratt var ekið.
Þessir nemar eru nýttir til að búa til heildar ökuskor fyrir og fimm mismunandi undirskor fyrir mýkt, hraða, fókus, tíma dags og hvíld.
Verna gerði samning við breska félagið The Floow sem sérhæfir sig í að túlka snjallsíma gögn yfir í ökuskor. Til að tryggja persónuvernd geymir Verna eingöngu afmörkuð akstursgögn í sínum kerfum, þ.e.a.s. heildar ökuskor og heildar undirskor þín (sbr. mýkt, hraða, fókus, tíma dags og hvíld). Verna tekur hvorki á móti né geymir gögn í sínum kerfum um einstaka ferðir þínar (sbr. skor hverrar ferðar, hvað olli lágu eða háu skori né kortagögn sem sýna hvar var keyrt) en þau gögn verða eingöngu geymd á ópersónugreinanlegu formi í símum viðskiptavina.